BUTUAN CITY – Gikalipay na sa mga jeepney drivers ug operators ang padayong pagproseso sa laing hugna na usab sa 6,500-pisos nga fuel subsidy nga ihatag sa gobyerno kanila pinaagi sa Land Transportation, Franchising and Regulatory Board kon LTFRB.
Kini ang hinungdan nga bisan og sakit ang pagsaka sa presyo sa mga produktong petrolyo ugmang adlawa, matapalan ra kini sa nasangpit nga subsidiya.
Sigon ni Anthony Antigulas, chairman sa Butuan Multicab Operators Transport Services Cooperative kon BUMOTSCO, duna na’y pipila sa ilang mga membro ang nakadawat na niini samtang giproseso pa ang uban, susama usab sa ubang mga operators.
Sa ingon niini nga ayuda, mas pabor matud pa sa driver o operators nga ilalom sa franchise consolidation tungod kay i-agi man kini sa kooperatiba.
Gawas niini, kung duna’y ilang membro nga wala pa makadawat, mas mapadali ang pagpa-abot og reklamo ngadto sa LTFRB ug subli-on gilayon ang pag-apply niini.
Ang ila matud pang liaison officer maoy gitahasan sa pagproseso sa ingon niini nga ayuda kansa himuon kada-ruta aron masiguro nga ang tanan, makadawat niini.
