BUTUAN CITY – Gikatakdang mahidangat karong adlawa dinhi sa siyudad sa Butuan ang 160 ka mga Caraganon locally stranded individuals kon LSIs gikan sa Manila alang sa third batch sa mga gipapa-uli na sa nasudnong kagamhanan.
Kini human unang nahidangat kagahapon ang 88 ka mga Caraganon LSIs nga natanggong og duha ka bulan sa Cebu City og naka-uli pinaagi sa chartered flight nga mitugpa sa Bancasi Airport ning siyudad Butuan City kondiin gikan sa airport gidala sila sa Agusan del Norte Provincial Hospital alang sa rapid testing adiser gitugutang makasakay sa ilang sundong service vehicles
Sa maong ihap, 26 kanila ang mga residente sa Agusal del Norte nga gilangkuban sa 11 nga taga-Cabadbaran City; unom sa Nasipit; Buenavista-4; Magallanes-3; samtang tag-usa usab sa Tubay ug Kitcharao.
Samtang bandang alas 8:00 kagabii usab mi-abot ang laing grupo sa mga repatriated seafarers dinhi sa Butuan sakay sa lima ka mga bus gikan sa Cagayan de Oro City diin mitugpa ang ilang sweeper flights gikan sa Manila.
Mapasalamaton sila kang Gov. Dale Corvera, ingon man kang Philippine Economic Zone Authority kon PEZA Director General Charito Plaza apil na sa mga local government units kon LGUs ug sa mga private sectors nga mitabang aron lang luwas silang akauli sa ilang tagsa-tagsa ka panimalay.
