BUTUAN CITY- Girekomenda ni kanhi Sen. Antonio Trillanes IV ang pangunguna sa National Bureau of Investigation (NBI) ug Criminal Investigation and Detection Group (CIDG) sa imbestigasyon sa nahitabong pinusilay sa Senado niadtong gabie sa Miyerkules, Mayo 13. Sumala ni Trillanes, adunay kapasidad ug resources ang maong mga opisina nga mohimo og lawom nga imbestigasyon sa aktwal nga panghitabo.
Sa likod matud pa sa kamatuorang ang mga ahente sa NBI lakip sa mga nagpaboto og pusil, masaligan gihapon matud pa ang opisina nga mohimo og impartial investigation, sa tabang na usab sa CIDG – gikan sa forensic report hangtud sa mismong pag-trace sa mga nahitabo adiser, samtang, ug pagkahuman sa pinusilay. Wala usab matud pay kapasidad ang Office of the Sergeant-At-Arms nga mohimo og imbestigasyon kung ugaling kini ang mandoan sa Senado nga mag-imbestiga.
Nagtuo usab ang kanhi senador nga kinahanglang adunay manubag sa nahitabong paggawas ni Sen. Ronald Dela Rosa mula sa Senate premises taliwa sa pagpa-ubos niini sa Senate custody. Lakip matud pa niini sila Senate President Alan Peter Cayetano, Office Office of the Sergeant-At-Arms, ug uban pang adunay kahibalo sa hingpit nga pagsibat sa senador.
