BUTUAN CITY – Daw nadat-ugan sa kalibutan ang usa ka lalaki ug posibleng dili na makapadayon sa trabaho human nadiskubrehan nga duna pa diay nalubong nga kutsilyo sulod sa iyang lawas.
Nasayrang ang lalaki nga si Kent Ryan Tomao, taga-Kidapawan City, North Cotabato, mipa-ilalom sa X-ray procedure sa Philsaga Mining Hospital human nanimpalad nga makatrabaho unta sa maong minahan sa Rosario, Agusan del Sur.
Sumala pa kapin usa ka tuig na ang nakalabay dihang nadunggaban ang lalaki didto sa iyang lugar human matud pa na-tripan kondiin gidala pa kini sa usa ka pampublikong ospital sa Cotabato aron tambalan ug didto gitahi ang iyang samad-dinunggaban.
Apan dakong kakurat na lamang niini human migawas sa x-ray result nga pabilin pa diay’ng nakalubong sa iyang ang kutsilyo rason nga apil nga nanawagan karon ang mga kabanay ug higala ni Kent Ryan ngadto sa responsableng ospital nga tubagon ang pagpatambal niini.
