BUTUAN CITY- Gituyo matud sa national Bureau of Investigation kon NBI ang pagpaka-ulaw sa kanhi TV host nga si Jay Sonza pinaagi sa kaso nga gi-file batok niini. Sumala ni Jeffrey “Ka Eric” Celiz, Secretary General sa Bangon Sambayanan, nga ang kasong unlawful publication ug unlawful utterances gaan lang ug ikatandi sa jaywalking o vandalism, nga adunay maximum penalty nga dili molapas sa unom ka bulan.
Apan, sigon niini, nga sa warrant of arrest nga giisyu sa RTC Pasay kang Sonza, nakabutang nga “no bail recommended” gani ang resolusyon sa Department of Justice nag-ingon nga “bail not required.” Gipunting ni Celiz nga klaro nga adunay kakulangan ug sayop sa bahin sa korte, ilabi na sa pirma sa huwes, tungod kay ang mga bailable offenses dapat gihimo ug bail amount ug dili awtomatikong i-deklarar nga non-bailable.
Dugang pa niini, bisan sa mga kaso nga non-bailable, gitugotan gihapon sa Saligang Batas ang pag-aplikar ug piyansa kung ang ebidensya sa pagkasala mahuyang. Gikwestyon usab ni Celiz ang gobyerno kalabot sa pagbatok sa mga journalist, pagsaway ug pagsulti batok sa gobyerno nga daw murag krimen nga susasma sa murder ug kidnap for ransom, kansa wala na maha-om sa freedom of speech.
Matud pa, posible nga nakalmitan sa huwes ang pag-review sa detalye sa kaso ug ang clerk of court maoy nagbutang sa “no bail” sa warrant of arrest. Giinsistir ni Celiz nga ang maong warrant nga gi-isyu sa kanhi journalist klarong oversight ug kakulangan sa korte nga nagresulta sa paglapas sa hustisya ug katungod sa akusado.
