BUTUAN CITY- Magpabiling suspendido gihapon ang tanang lebel sa pampubliko ug pribadong eskwelahan sa Butuan City karung adlawa, Hunyo 9, 2026, samtang nagpadayon ang Infrastructure Audit Team sa city government sa pag-inspeksyon sa mga building, structure ug pasilidad aron masuta ang structural integrity ug masiguro ang kaluwasan sa mga estudyante ug magtutudlo human sa nahitabong linog kagahapon.
Base sa unang assessment, wala pa’y nakitang dako nga kadaot apan gikinahanglan ang mas lawom nga pag-imbestiga aron malikayan ang risgo sa kaluwasan. Gipahimangnoan usab sa lokal nga panggamhanan ang tanan nga maghulat sa sunod nga opisyal nga pahibalo alang sa dugang nga updates kabahin sa sitwasyon ug posibleng mga lakang nga ipatuman. Ang suspensyon naghatag og panahon sa mga otoridad nga masiguro nga hapsay ug luwas ang pagpadayon sa klase sa syudad.
