BUTUAN CITY – Gipadayag sa United Nations kon UN nga gisultihan sila sa Israel nga ang tanang anaa sa north Gaza ma-relocate na ngadto sa south sa musunod nga 24-oras. Apil niini ang Gaza City nga gibana-banang duna’y 1.1 million ka mga tawo kansa halos katunga sa populasyon sa Gaza Strip.
Sigon sa UN, imposible ang paglihok sulod lang sa duha ka adlaw nga wala’y mahitabong humanitarian consequences dayong panawagan sa Israel nga lantawon og maayo ang evacuation orders.
Migawas ang warning human gila-uman nga muhimo ang Israel og ground offensive ngadto Gaza sa aron mapulbos ang militanteng grupong Hamas nga nangdagit og 150 ka mga tawo ug gidala sa Gaza human ang ilang pag-atake sa Israel niadtong weekend nga mikalas og 1,300 ka mga tawo.
Sa pagkakaron, kapin na sa 1,400 ka mga tawo ang napatay sa Gaza sukad gilusad sa Israel ang ilang retaliatory air strikes, base na usab sa pagkumpirma sa mga Palestinian health officials.
