BUTUAN CITY – Nag-isyu na og public health advisory warning ang Department of Health batuk sa leptospirosis tungod sa pila ka adlaw na usab nga grabeng pag-ulan sa dakong bahin sa nasud.
Tungod niini, tambag ni Health Secretary Ted Herbosa nga lilkayan una ang paghumol sa tubig baha, apan kung dili malikaya, manghugas dayon gamit ang limpyong tubig ug sabon ug magpakunsulta gilayon sa doktor o health center pag-abot sa usa o duha ka adlaw, bisan og wala’y samad o kaha mabati nga bisan unsa mang sintomas.
Base sa pinakabag-ong datos gikan sa DOH, mi-abot na sa kinatibuk-ang 3,785 ang natalang kaso sa leptospirosis sa tibuok nasud.
Gipahinumdom usab ni Sec. Herbosa ang kamahinungdanon sa pag-inom og antiobiotic nga prophylaxis aron dili mataptan sa maong sakit o kaha magpakonsulta ug magparesita tungod kay libre man kini sa mga government health centers.
