BUTUAN CITY- Misaka pa ang mga natalang bag-ong COVID-19 cases ning rehiyon sa Caraga karong adlawa human nga mi-abot na kini ngadto sa 467 gikan sa 391 nga natala kagahapong adlawa.
Hinuon mas ubos ang natalang bag-ong patay karong adlawa nga mi-abot lang sa unom kumpara sa natalang 10 kagahapong adlawa.
Sa mga bag-ong kaso, 464 niini ang naka-isolate samtang 183 ang mga bag-ong nakarekober.
Tungod niini, mi-abot na sa 31,089 ang cumulative COVID-19 cases ning rehiyon ug sa maong ihap, 3,651 ang naka-isolate ug ang mga nakarekober na mi-abot sa 26,440 samtang 998 na ang kinatibuk-ang patay.
Pinakadaghang nakatala og bag-ong kaso ang Agusan del Sur gihapon nga mi-abot sa 107 kansa gisundan sa Butuan City-99; Surigao del Sur-70; Surigao del Norte- 58 dayon ang Agusan del Norte- 43.
Nakatala usab og 33 ka mga kaso ang Bayugan City; Bislig City-20; Tandag City-14; Cabadbaran City-12 ug siyam sa Surigao City.
