BUTUAN CITY – Nadugangan na usab og 19 ka mga bag-ong kaso sa COVID-19 ang Caraga Region rason nga ang cumulative confirmed cases sa entiro rehiyon mi-abot na sa 859 kondiin 479 niini ang naka-rekober na, 358 ang aktibong kaso ug 22 ang patay.
Sa 19 ka mga bag-ong kaso, 58-porsiento niini ang anaa sa edad nga 21 ngadto sa 50-anyos; napulo kanila ng mga lalaki kon 53-porsiento ug 9 ang mga babaye kon 47-porsiento.
Gikan usab sa maong ihap, usa lang ang natala sa Brgy. Mangagoy, Bislig City sa Surigao del Sur ug 18 niini pulos taga-Butuan partikular sa Brgy. Libertad nga duna’y 5; tag-tulo sa Brgy. Baan Riverside ug Doongan samtang tag-usa sa Brgy. Bancasi, Bading, Bayanihan, Dumalagan, Fort Poyohon, Tandang Sora ug Villa Kananga.
Ang klasipikasyon sa mga bag-ong kaso, napulo ang duna’y closed contact ngadto sa kanhi kumpirmadong COVID-19 cases, pito ang local transmission samtang tag-usa ang health worker ug front liner.
Sa maong gidaghanon usab, 12 ng wala magpakita og simtomas kon asymptomatic ug pito ng duna’y mild symptoms.
