BUTUAN CITY – Misaka na karon sa 190 ang kinatibuk-ang COVID-19 cases sa Caraga Region human kini nadugangan og 14 ka mga bag-ong kaso.
Kini human nadawat sa Department of Health kon DOH-Caraga ang 174 ka mgaf resulta sa RT-PCR results gikan sa Southern Philippines Medical Center (SPMC) ug sa Davao Regional Medical Center (DRMC) sub-national laboratories.
Sa maong mga RT-PCR results, 135 niini ang nagnegatibo samtang 39 ang nagpositibo sa COVID-19 virus.
Sa mga negatibong RT-PCR results, pito ang gikan sa suspect cases gikan sa Caraga Regional Hospital, Agusan del Norte Provincial Hospital, Butuan Medical Center ug sa Butuan Doctors’ Hospital.
Samtang lima usab ang gikan sa mga probable cases nga gikan sa Agusan del Sur quarantine facility ug 123 ka mga resulta ang gikan sa mga high-risk individuals kinsa nagpositibo sa Rapid Antibody-based Test o kah duna’y travel history o kaha exposure ngadto sa COVID-19.
Sa 39 ka mga sample sa RT-PCR nga positibo sa virus 25 niini ang mga follow-up test sa una nang positibo sa sakit samtang 14 ang mga bag-ong kaso.
Nagsumikad ang mga bag-ong kaso sa Butuan City nga dunay duha (2) , tag-usa (1) sa mga munisipyo sa Agusan del Norte nga Buenavista ug Carmen , duha (2) sa Nasipit , ug usa (1) ka kaso sa Cabadbaran City ug tag-usa ang mga lungsod sa Agusan del Sur nga San Francisco ug San Luis.
Nakatala usab sa sakit ang tulo ka lungsod sa Surigao del Norte- nga Alegria nga dunay duha (2) ka kaso ug tag-usa usab sa Bacuag ug Del Carmen, ug usa (1) ka kaso sa San Miguel sa Surigao del Sur.
Pulos mga asymptomatic kon walay gibating simtomas ang mga bag-ong kaso kansa naka-admit ug naka-isolate na tagsa-tagsa ka mga designated quarantine facilities ning rehiyon alang sa monitoring ug pag-atiman.
Subling gipadayag sa DOH Caraga nga ang mga follow-up tests gikan sa mga kaso nga una nang nagpositibo sa sakit ug kinahanglan unang ma-claered adiser ma discharge.
Sa karon ang rehiyon aduna nay 190 total confirmed positive COVID-19 cases diin sa maong mga ihap , 90 na ang nakarekober gikan sa maong sakit.
