BUTUAN CITY – Gi-anunsyo na karun sa ubang nasud sama sa Tumair, Saudi Arabia nga karung adlawa sugdan na sa mga muslims ang pagpu-asa alang sa balaang buwan sa Ramadan human nga nakita ang new moon sa nasangpit nga nasud.
Samtang sa karun wala pa usab makita sa South Africa ang buwan nga mao ang sinyales sa ilang pagsugod sa pagpu-asa.
Ang Ramaḍān usa ka relihiyosong bulohaton sa mga Muslim nga mahitabo sa ikasiyam nga bulan sa Islamikong kalendaryo nga gitu-uhang ang bulan diin ang Qur’an mipadayag kang Anghel Gabriel kinsa mipadayag usab niini ngadto kang Propeta Muhamad.
Mao kini ang bulan sa puasa diin ang mu-apil nga mga Muslim dili mokaon kun moinom og bisan unsa gikan sa banag-banag ngadto sa kilom-kilom.
Ang pagpuasa magtudlo sa tawo aron mahimong pagmahulaton, magsakripisyo ug magpahi-ubos tungod kay ang Ramadan mao ang panahon sa pagpuasa sa ngalan sa Diyos.
