BUTUAN CITY – Padayon ang monitoring sa lokal nga kagamhanan sa lungsod sa Jabonga, Agusan del Norte aron masuta ang sitwasyon sa ilang mga constituents nga anaa sa mga landslide ug flood prone areas tungod sa padayon nga mga pag-ulan.
Sa ekskluksibong pakighinabi sa Bombo Radyo Butuan, gipadayag ni Jabonga Sangguiang Bayan member Melvin Lantino nga kaganinang alas-siete sa buntag, mi-awas na ang tubig gikan sa suba sa boundary tali sa Brgy. Magsaysay ug sa Colorado.
Naka-preposition na ang ilang mga dagkong sakyanan aron duna’y magamit ilabina kung kinahanglan na ang forced evacuation ilabina nga duna’y ilang mga barangay nga anaa sa danger zones.
Gipa-assess na usab nila sa ilang Municipal Engineer’s Office ang nabahaan dalan aron ma-assess kung mahimo pa ba kining agi-an o dili.
