BUTUAN CITY – Nabati na sa katawhan sa Israel ang epekto sa nasabutang ceasefire tali sa US og Israel ngadto sa Iran.
Sigon ni Bombo International News Correspondent Jessie Barriga direkta sa Israel nga wala na sila makadungog og tingod sa mga sirena nga pamatood nga walay missile attack.
Gane gikuha na usab ang restrictions sama sa pag-bali na sa mga eskwelahan, pag-abli sa airport og normal na ang aktibidadis sa katawhan.
Sumala pa ni Barriga nga nalipay gayud ang mga tawo niini apan duna gihapoy mga kabalaka tungod kay wala may apil sa ceasefire ang Lebanon rasong duna gihapoy hulga sa pag-atake gikan sa Hezbollah.
Samtang gibutyag usab niini nga duna nay mga nagpalista nga gustong mouli sa Pilipinas og dunay nagbakasyon sa Pilipinas nga gustong mobalik usab sa Israel.
Gikumpirma usab ni Barriga nga ang patay’ng lawas sa ikaduhang Pinay nga napatay sa missile attack, gi-atiman na matud pa sa Philippine Embassy aron mabalik sa Lanao Del Norte og dili ilubong sa Israel.
