BUTUAN CITY- Giatake sa Islamic Revolutionary Guard Corps (IRGC) ang tulo ka cargo ships sa Strait of Hormuz human sa pamahayag ni US President Donald Trump nga iyang gi-extend ang ceasefire tali sa US ug Iran.
Duha sa mga barko giingong nasakmit ug gi-escort padulong sa baybayon sa Iran samtang ang ikatulo nakalikay. Sumala sa taho, posibleng misulay og “run for it” ang mga barko sa dihang giablihan pag-usab ang agianan sa dagat niadtong miaging semana.
Bisan pa sa extension sa ceasefire, nagpabilin ang US blockade sa mga Iranian ports aron ipugos ang Tehran sa umaabot nga negosasyon sa Pakistan, apan wala madayon ang biyahe ni US Vice President JD Vance ngadto sa nasud.
Ang Strait of Hormuz karon giingong delikado na alang sa komersyal, nga nagdala og dako nga kadaot sa Iran ug sa pangkalibotanong ekonomiya.
