BUTUAN CITY- Patay ang usa ka Indian National ug kapin sa 60 ang angol sa gihimong drone strike sa Iran sa Kuwait International Airport, sumala sa lokal nga opisyal. Gitawag usab sa Kuwait’s defence ministry ang maong paghitabo nga usa ka “kriminal agresyon sa Iran,” samtang ang foreign ministry mingtaho nga naapektuhan ang mga diplomatic missions.
Gikomperma usab sa Islamic Revolutionary Guard Corps kon IRGC ang pag-atake isip balos sa giingong US strikes batok sa Iranian oil tanker ug sa Qeshm Island, ug dayong butyag nga ilang gitarget usab ang mga base sa US sa Gulf. Ang US Central Command kon Centcom mitubag nga ilang gipabuto ang mga drone ug missiles nga gipadala sa Iran padulong sa Kuwait ug Bahrain.
Ang insidente nagpalala sa tensyon tali sa US ug Iran, samtang nagkalisod ang negosasyon sa ceasefire ug peace deal.
