BUTUAN CITY- Mipasidaan ang Iran og “full-scale offensive” ugaling magpadayon pa ang military strikes sa Estados Unidos.
Gihimo ni Mohsen Rezaei, top Islamic Revolutionary Guard Corps (IRGC) official ug military adviser ni Supreme Leader Mojtaba Khamenei ang maong pasidaan.
Sa taho gikan sa usa ka state-owned media, sigon sa military adviser nga ugaling magpadayon ang mga pag-atake sa Amerika sa duha o tulo ka adlaw, himuon na matud pa ang full-scale offensive operations.
Ang maong pamahayag gihimo human makumpleto sa US ang ika-pitong sunod nga adlaw sa mga pag-atake niini sa Iran ug sa pagbalos sa Iran sa Arab allies sa U.S.
Pasidaan pa sa Iranian military leader nga walay political border ang luwas batok sa opensiba sa ilang pwersa ug gidugang na ang gikinahanglang bayran sa US ang mga pag-atake niini sa ilang civilian infrastructure.
