BUTUAN CITY – Gi-andam na ang kasong ipas
aka batuk sa usa ka inahan human kini nasikop atol sa pagpatuman sa search warrant tungod sa kasong dunay kalabutan sa ilegal nga drugas kaganinang buntag sa Purok-5, Barangay Buhangin ning siyudad sa Butuan.
Gihimu ang operasyon sa mga ginsakpan sa Butuan City Police Station-1 sa pakig-alayon na usab sa intelligence division sa Butuan City Police Office diin nasikop ang suspetsado nga si Angelita Sinco, alyas Inday, menyu, dunay mga anak ug residente sa maong dapit. Gipalig-on ang maong operasyon sa search warrant number 1980-2018 nga gipagawas sa judge gikan sa Municipal Trial Court in Cities 10th Judicial region Branch 2 Butuan City.
Nakumpiska sa maong operasyon ang 4 ka sachet nga dunay sulod sa gitoohang shabu nga dunay kabug-atong usa ka gramo nga mobalor sa 11-mil 800 pesos. Lakip sa nakuha ang cash ug mga ilegal drug paraphernalias.
Sumala pa ni Police Chief Insp. Ephraim Detoya, Hepe sa Butuan City Police Station-1 nagpahigayon sila ug daghang beripikasyon mahitungod sa impormasyong nagpayuhot ug migamit og shabu ang maong inahan.
Nasuta nilang wala mihunong sa maong ginadiling buhat ang suspetsado hinungdang gikasa na nila ang operasyon batuk niini.
Giklaro usab sa opisyal nga sumpay kini sa malampusong buybust operation sa usa ka lodge ning siyudad diin ang nasikop nga suspetsado dunay koneksiyun kaniya samtang duna pay lain kalinya niini ang padayong gipanid-an.
Alayon niini, mapasalamaton kini sa tanang mihatag ug impormasyon aron masikop ang mga nalambigit sa ilegal nga drugas dungan sa pag-awhag sa tanang miapil niini nga magbag-o na, ilabina kadtong nahatagan ug kahigayonan nga mausab pinaahi sa Oplan Tokhang.
