BUTUAN CITY- Nakustodiya na sa Bureau of Internal Revenue kon BIR, kauban ang Bureau of Customs (BOC), ang 19 ka motor vehicles kalabot sa Discaya tax investigation o ang gi-ilang “Discaya cars.” 15 sa mga sasakyan nga nakarehistro sa magti-ayong Pacifico F. Discaya II ug Cezarah Rowena Discaya gipa-ilawom sa constructive distraint.
4 ka sakyan usab ang gipa-ubos sa constructive seizure kalabot sa tax assessment batok sa St. Gerrard Construction General Contractor & Development Corporation. Pagklaro ni BIR Commissioner Charlito Martin Mendoza nga tumong sa maong aksyon aron mapreserba ang assets ug masiguro ang kapasidad sa gobyerno nga makakolekta og buwis samtang gisunod ang due process. Nagpsalamat usab kini sa BOC maayo nga koordinasyon ug dokumentasyon sa proseso.
Kahinumduman niadtong 2025, mipasaka ang BIR og criminal tax cases batok sa Discayas nga adunay kinatibuk-ang P7.18 bilyon nga tax liabilities. Ang maong lakang parte sa Revenue Collection and Base Protection ubos sa BIR DARES aron batokan ang tax evasion ug non-payment.
