BUTUAN CITY – Bukas ang sibyahan sa Bombo Radyo pagpabati sa panig sa kadumalahan sa Maternity Hospital human gireklamo sa usa ka inahan tungod sa wala pag-discharge sa ilang pasyente aron makapangeta og paagi nga mabayaran ang ilang sobra nga bill.
Sumala pa ni Jinky Rivera, inahan sa pasyenteng 6-month old nga bata, kapin usa ka semana na sila nga gi-hold sa Maternity Hospital human wala nabayaran ang excess bill rasong kada adlaw kini nga misaka og karun miabot na sa kapin 69-mil pesos.
Saysay pa niini, bisan ang OR/CR sa duha ka motor sa iyang igsoon, wala gihapon nila gidawat isip guarantor diin kinahanglang pabayaran gyud ang excess billing.
Apela pa sa inahan nga unta tugutan silang makagawas aron makapangeta og pamaagi nga makabayad.
Gani misamot matud pa siya kalisud karun nga bisan ang pagpalit og gatas og ubang gamit sa iyang anak dili na niya mahimo tungod sa pag-hold sa ospital kanila.
Mapasalamaton na lamang kini sa mga tawong mitabang kaniya sulod sa ward lakip na usab sa mga doktor nga mitambal sa iyang anak.
