BUTUAN CITY – Gipaahayag ni House Justice Committee chair GErville Luistro nga mamahimong matapos ug madesisyunan sulod sa duha ka buwan ang mga reklamong impeachment batuk kang VP Sara Duterte, gikan sa pagsugod sa trial proper.
Magsugod ang pagdungog ugaling nasubmite na ang tanang responsive pleadings, ang tubag sa Bise Presidente sulod sa 10 ka adlaw, tubag sa mga complainant sulod sa tulog ka adlaw ug rejoinder sa kampo ni Duterte sulod sa tulo ka adlaw.
Human niini, gitumbok sa komite nga kung dunay igong basehan aron iduso ang pagdungog diin mamahimong mag-isyu og subpoena ug imbitaron ang mga testigo.
Human sa hearing proper, mobotar ang panel kung dunay probable cause aron ipasaka ang kaso sa plenaryo.
Kinahanglang ang boto sa dili moubos sa 105 ka magbabalaod aron ma-impeach ang Bise Presidente.
Nakalatid sa mga reklamo ang matud pa betrayal of public trust ug culpable violation of the Constitution mahitungod sa paggamit sa 612.5 milyones pesos nga confidential funds ug hulga matud pa batuk kang Pangulong Ferdinand “Bongbong” Marcos Jr. ug iyang pamilya.
Sigon ni Luistro, mamahimong ipadayon usab ang pagdungog bisa og recess aron mapadali ang proseso.
