BUTUAN CITY – Target sa House Justice Committee nga tapuson na sa Abril 29 ang impeachment proceedings batuk kang Vice President Sara Duterte.
Sigon ni Lanao del Sur Rep. Zia Alonto-Adiong, membro sa House Justice panel, hapit nang matapos ang pagpanguha og mga ebidensya aron ipresentar sa katapusang pagdungog sa Abril 22 ug 29.
Higayong matapos na, mahimo nang isubmite ang committee report ngadto sa plenaryo sa Kamara sa pagbalik unya sa sesyon sa Mayo 4 – usa ka lakang nga mahimo nang mag-abli sa pagtaral sa reklamo ngadto sa Senado.
Dugang pa ni Adiong, mu-agi pa sa pagsusi ug debate sa mga magbabalaud ang maong report kansa tubagon usab sa sponsor nga si House Justice Committee chair Rep Gerville Luistro ang mga pangutana.
Panapos pa ni Adiong, ang ilang komite magtumbok lang kung duna’y probable cause ang kaso ug dili ang pagdesisyon niini.
