-- ADVERTISEMENT --
BUTUAN CITY – La-uman ang ikatulong rollback sa presyo sa diesel sunod semana taliwa sa sunod-sunod nga global oil price shocks nga mugna sa tensiyon sa Middle East kansa naka-apekto sa presyo sa lana sa lokal nga merkado.
Base sa trading sa nakalabay’ng upat ka mga adlaw, makunhuran og P8 hangtud P10 kada litro ang presyo sa diesel samtang posibleng musaaka ang presyo sa gasolina og piso o kaha wala’y pagsaka.
Posibleng mabag-o pa kini depende sa mahimong resulta sa trading ning adlawa.
I-anunsiyo sa mga kumpaniya sa lana ang opisyal nga presyo sa mga produktong petrolyo karong Lunes ug ipatuman sa Martes.
