-- ADVERTISEMENT --
BUTUAN CITY – Nakalutan sa Botswana ang gitu-uhang ikaduhang pinakadakong diamond sa tibuok kalibutan. Ang 2,492-carat nga rough diamond mao ang nagsunod sa 3,106-carat nga Cullinan Diamond nga napalgan sa South Africa niadtong 1905.
Sigon sa Canadian mining company nga Lucara Diamond Corp., ila kining nakalutan sa Karowe mine gamit ang ilang Mega Diamond Recovery (MDR) X-ray Transmission Technology nga gihimo aron makakita og mga pinasahing gidak-on nga diamond.
Ang wala pa panganling diamond ipakita ngadto sa tibuok kalibutan sa buhatan ni Botswana President Mokgweetsi Masisi.
Mitimbang kini og tunga sa kilo ug si President Masisi lakip sa mga unang nakakupot niini.
