BUTUAN CITY – Usa ka lalaki sa Illinois nga nangolekta og mga Bearbricks toys ang nakakuha og Guinness World Record dihang nasuta nga ang iyang mga koleksyon sa maong mga dulaan, mi-abot sa gidaghanong 3,482 pieces.
Si Daniel Park, kinsa naila sa social media nga si BrickChicago, opisyal nga mi-catalog sa iyang mga koleksyon niadtong Marso ug nakumpirma kini sa Guinness World Records isip pinakadako nga koleksyon sa mga Bearbrick bears.
Sigon ni Park, nagsugod siya pagpangolekta sa mga puno sa kolor nga pinintalang plastic figures human nag-abli sa usa ka blind box lima ka tuig na ang nakalabay kondiin dinhi siya nadani pagsugod ug hangtud karon, iya kining gipadayon.
Apil sa mga koleksyon ni Park ang Bearbricks characters gikan sa pop culture, mga atleta, musicians apil na ang mga sikat nga works of fine art.
