BUTUAN CITY – Sunod-sunod nga nga kalihukan ang gihimo sa Surigao City kaganina subay na sa pagsa-ulog sa ika-75 nga anibersaryo sa giyera sa kadagatan sa Surigao kansa mas nailang Battle of Surigao Strait.
Gibuksan kini kaganinang alas-kwatro sa kaadlawon pinaagi sa walk for peace nga gisundan gilayon sa memorial ceremonies sama sa floral offering sa mismong Surigao Strait nga gitambungan sa mga tag-as nga opisyal sa maong siyudad ingon man sa mga langyaw’ng dignitaries pagpanguna ni Australian Ambassador Steven J. Robinson kinsa maoy RP Malapascua.
Mahinundumang kagahapon, emosyunal nga gihandom sa mga buhi pang tripolante sa barkong HMAS Shropshire ang wreath-laying ceremony kon paghalad og buwak ingon man pagdagkot og mga kandila alang sa namatay nga mga sundalong Hapon ug sailors pagpanguna ni Capt. Takeshi Ishida sa Japanese Association of Cebu alang sa ilang mga kababayang nakaserbisyo ug namatay atol sa maong gubat sa kalibutan.
Mitambong usab si Commander Fukuda, ang assistant defense attache sa Japan kinsa mao ang unang naka-unipormeng sundalong Hapon nga nakabalik sa Surigao human niadtong tuig 1945 kansa mas nakapahimong memorableng adlaw sa maong kasa-ulugan.
Dungan sa maong kasa-ulugan nga duna’y temang ’Immortalizing Heroism’, gi-inagurahan usab sa Surigao City Tourism Office ang BoSS memorial shrine ug museum kansa mao ang highlight sa nasangpit nga kasa-ulugan og nagsilbi karong tourism site nga gigahinan og 20-milyunes pesos isip pahinungod sa mga sundalong Pinoy og Amerikanong namatay atol sa maong giyera batuk sa mga Hapon.
Ang maong giyera, usa sa pinakadakong bugtong kaparutan alang sa Imperial Japanese Navy, human na-unlod ang duha nila ka mga battleship ug tulo ka mga destroyers.
