BUTUAN CITY – Nagnegatibo ang unang follow-up RT-PCR test sa ika-limang confirmed COVID-19 case dinhi sa Caraga Region sigon sa DOH Center for Health Development- Caraga human nadawat ang resulta gikan sa Southern Philippines Medical Center (SPMC) kagahapogn adlawa alang sa 65-anyos nga lalaking taga Agusan del Norte
Sigon ni DOH-Caraga Regional Director Dr. Jose R. Llacuna, Jr. anaa na sa maayong kondisyon ug wala’y flu-like symptoms apan gipa-ilalom pa gihapon sa strict facility.
Apil sa nag-negatibo usab sa laboratory test results ang 7 ka mga na-identified nga naka-close contact sa maong pasyente ug hugot ang ilang pakig-alayon sa Municipal Health Officer alang s evaluation ug medical recommendation sa kahimtang niini.
Kini gawas pa sa laing 12 nga nag-negatibo sa RT-PCR test diin sa maong ihap 9 ang mga suspect cases patients gikan sa Adela Serra Ty Memorial Medical Center (ASTMMC), Butuan Medical Center-Annex, M.J. Santos Hospital ug Butuan Doctors’ Hospital; ingon man ang 3 ka probable cases gikan sa ASTMMC ug Agusan del Sur Quarantine Facility.
Alayon niini, padayon gihapon ang panawagan sa maong ahensya ngadto sa tanan nga gawas sa pagpakusog ug pagpa-kondisyon kanunay sa panglawas, imintina gihapon ang pagtamod sa mga nagtunhay nga health protocols aron hingpit nang mapukan ug malikayan ang pagtumaw pa sa maong virus.
Sa kasamtangan nagpabiling 5 ang kumpirmadong COVID-19 cases sa rehiyon diin ang 3 ang mnga taga-Butuan kinsa hingpit nang nakarekober samtang naka-strict quarantine ang nahabiling duha nga taga-Agusan del Norte ug Surigao City.
Natala usab sa 123 ang suspected cumulative cases ug 22 probable cumulative cases ang rehiyon.
