BUTUAN CITY- Gisalikway sa International Criminal Court Pre-Trial Chamber I ang hangyo sa mga defeanse lawyer ni Kanhi President Rodrigo Duterte nga makapapel sa apelar batok sa desisyon sa tribunal sa pagkumpirma sa mga kaso nga may kalabotan sa judicial killing sa war on drugs.
Sa 12 ka palid nga desisyon nga gipirmahan ni Presiding Judge Iulia Antoanella Motoc, Judge Reine Adélaïde Sophie Alapini-Gansou, ug Judge María del Socorro Flores Liera, nagbutyag nga walay basihanan ang argumento sa depensa nga nasayop ang Chamber sa pagdelinear sa mga kaso ug sa pagpresentar sa ebidensya. Gipahayag sa Prosecution nga husto ang pag-link sa ebidensya ug ang lapad nga coverage sa mga kaso aron masakop ang gidak-on sa kriminalidad nga gipasangil kang Duterte.
Niadtong Abril 23, gikumpirma sa ICC Pre-Trial Chamber ang tulo ka counts sa crimes against humanity batok kang Duterte, lakip ang murder ug attempted murder sa Davao City ug sa lain-laing lugar sa Pilipinas, ug gicommit kini sa trial proper.
