BUTUAN CITY – Kargo sa ginsakpan sa Butuan City Police Office pagpanguna ni city police director PCol. Marco Archinue ang paghatag og hugot nga siguridad sa mga delegado sa 28th Vice Mayors’ League of the Philippines National Convention nga gihimo dinhi sa dakbayan sa Butuan sugod ning adlawa.
Kini tungod kay gila-uman nga daghan ang bisita nga mu-abot ilabina ang mga national government officials, ilang gipatuman karon ang comprehensive security coverage.
Dakong seguridad ang ilang ipatuman kauban ang mga counterparts sama sa Philippine Army.
Sa eksklusibong pakighinabi sa Bombo Radyo Butuan, gibutyag ni Butuan City Police Office spokesperson PCaptain Anne Cubio nga duna na sila’y gitagana nga tagsa-tagsa ka tasking aron malinawon ug malampusong mapahigayon ang maong kalihukan.
