BUTUAN CITY – Nahimong sentro sa pag-ampo og panawagan sa usa sa mga lideres sa muslim community ning siyudad sa Butuan ang kalinaw sa tibook kalibutan ning pagselebrar sa E’idl Fit’r karung adlawa.
Gitumbok ni Sultan Gamal Amerol, sultanate sa Caraga og Staff sa National Commission on Muslim Filipinos kon NCMF-Caraga, ang panawagan nga e-ampo ang pagtapos sa giyera tali sa Estadus Unidos pg Israel ngadto sa Iran.
Sumala pa ni Amerol nga kinahanglang matapos na ang giyera sa Middle east tungod kay kini ang nagpugong sa kalinaw og kalambuan sa daghang mga nasud sama sa Pilipinas.
Gane, nabati na ang epektu niini diin mahal na kaayu ang palaliton sa karun sama sa produktong lana.
Apan bisan paman sa tag-as nga presyo sa mga palaliton, ang ubang kaigsoonang Muslim nagtagana gayud matud pa aron dunay magamit sa pagselebrar.
Una nang gibutyag ni Sultan Amerol nga gisugdan nila kaganinang buntag ang pagselebrar sa E’idl Fit’r sa usa ka sermon o pag-ampo nga gihimo sa covered court sa Barangay New Society Village ning siyudad sa Butuan og wala sa msoque tungod kay dili sila ma-igo sa maong Balaang dapit.
Lakip sa mensahe matud pa sa Imam mao ang pagpakusog sa traditional Madrasah aron matudloan ang mga kabataan sa kamahinungdanon sa Ramadan aron mahimong mahadlokon kini sa panginoong Allah.
Sumala pa niini nga tradisyun kini sa Muslim isip pagtapos sa Ramadan diin lakip sa mga gihimo ang pagbisita sa mga kaparyentihan.Ang ubang mga kaigsoonan matud pa, mogawas og moadtu samga beach sa pagselebrar.
Apan gipahinumdum niini nga ang pagtulun-an sa gihimong pagpuasa sulod sa Ramadan kinahanglang dili mawala.
Kini mao ang pagbag-o sa kinaiya aron ang interest ni Allah ang sundon og kili ang kaugalingong interest.
