-- ADVERTISEMENT --
BUTUAN CITY – Nagmalampuson ang buybust operation nga gipahigayon sa Criminal Investigation and Detection Group kon CIDG-Caraga karun lang gabii diha sa may Barangay Bayanihan, Butuan City.
Naila ang suspek nga si Jimbo Otaza, taga Talacogon, Agusan Del Sur og guwardiya sa Bachelor Express.
Nakuhaan ang suspetsado og pipila ka sachet nga dunay sulod sa gitoohang shabu lakip na ang 3-mil pesos nga buybust money.
Sa eksklusibong pakighinabi sa Bombo Radyo Butuan, gi-angkon sa suspek nga misulod siya sa ilegal nga transaksiyon aron makabuhi matud pa sa 3 ka mga anak samtang gibiyaan sa asawa.
Kulang matud pa ang kita niya sa pagka-guwardiya.
-- ADVERTISEMENT --
Samtang wala usab gilimod sa suspek nga mogamit usab siya panagsa og shabu.
