BUTUAN CITY – Gibarugan sa pinakadakong grupo sa mga employer sa nasud nga mas maayo ang pagbawas sa buwis kaysa pagtaas sa suweldo dungan sa panawagan para sa wage hike karung Labor Day.
Sigon ni Sergio Ortiz-Luis Jr., pangulo sa Employers Confederation of the Philippines (ECOP), lisud matud pa ang kadaghanan sa mga kumpanya tungod sa mitaas nga gastos rasong dili na nila kaya ang dugang suweldo.
Pasidaan niini nga kung ipamugos ang wage hike, mamahimo kining magresulta sa pagkawala sa trabaho imbes nga makatabang sa employment.
Karung tuiga, subling giduso ang sugyot nga 200 pesos nga dugang suweldo ilabina kay apektado ang mga Pilipino sa pagtaas sa inflation nga miabot sa 4.1% niadtong Marso, hatud sa global factors sama sa krisis sa Middle East.
Hinoon giduso ni Ortiz-Luis nga bawasan ang excise tax ug value-added tax (VAT) sa fuel aron gelayon nga mapakunhod ang presyo sa mga palaliton ug serbisyo.
Ang ingon ini nga lakang makabaton og mas lapad nga epekto tungod kay maminusan ang operational costs sa mga negosyo ug makatabang sa pag-stabilize sa presyo sa merkado.
