BUTUAN CITY – Sa pinaka-unang higayon sa program history, dili mudula ang Gilas Pilipinas Women sa relegation match sa FIBA Women’s Asia Cup Division A human niini naparot ang Chinese-Taipei, ug nakuha ang monumental 92-81 nga kada-ugan sa ilang dula kaganina sa Sydney Olympic Park Sports Centre.
Gisaligan sa Gilas ang presensya sa sulOd ni Jack Animam, ug ang ka-abtik ni Vanessa De Jesus, ingon man ang beteranong liderato ni Afril Bernardino, apil na sa init nga shooting sa ubang ka-ubanan nila sa team.
Kini ang unang kada-ugan sa Gilas Women group phase sa continental meet sukad gitunga ang tournament ngadto sa duha ka mga divisions ug unang kada-ugan usab nila batuk sa Chinese-Taipei sa tulo ka mga pagsulay. Natpos sa Gilas ang Group B sa ilkatulong pwesto uban sa 1-2 slate ug maka-agbat niini ang ikaduhang koponan sa Group A sa ilang play-in karong Biernes.
Gipadayon ni Duke senior Vanessa De Jesus ang iyang maayong dula sa iyang Gilas debut, human mikamada og 25 puntos.
Si Jack Animam, nga mibalik sa national team human ang taas nga palta, nakakuha og 16 puntos sa perfect 8-of-8 clip ug 15 ka mga rebounds.
Samtang ang mainstay nga si Afril Bernardino nakatala og double-double pinaagi sa iyang 18 points ug 10 rebounds tuban sa tag-tulo ka steals ug assists ug usa ka block.
