BUTUAN CITY – Nasakmit sa Ecuador ang usa sa labing mahinungdanon nilang kadaugan sa entablado sa FIFA World Cup human midaog batuk sa Germany 2-1 sa usa ka init ug paspas nga duwa alang sa Group E nga gipahigayon sa New Jersey sa Estados Unidos.
Si Gonzalo Plata nakapuntos sa ulahi nga winning goal human sa kusog nga pag-atake sa Ecuador sa second half nga nakabaliktad sa duwa, ug ang Germany napugos nga mangusog sa katapusang mga minuto.
Natapos ang duwa kondiin nagkupot gihapon ang Ecuador ubos sa pressure samtang gi-anunsyo ang pito ka minuto nga dugang oras.
Kusog nga mipadayon ang Germany, apan nakadumala ang Ecuador sa katapusang bahin nga kalmado, gipanalipdan ang bola ug wala naghatag og oportunidad sa kaaway.
Sa pagtingog sa final whistle, dali nga nagselebrar ang mga fans sa Ecuador, nga nasayod kaayo unsa ka-importante ang resulta sa group standings.
