BUTUAN CITY- Posibleng mosaka pag-usab ang presyo sa gasolina ug diesel sa sunod semana tungod sa nabag-ong tensyon tali sa Estados Unidos ug Iran sa Middle East.
Gilauman nga mosaka hangtod P2.00 kada litro ang gasolina ug Piso usab matag litro ang i-usbsaw sa diesel, human sa pag-atake sa Estados Unidos sa Iran isip tubag sa giingong pag-atake sa Iran pinaagi sa drone sa usa ka cargo ship sa Strait of Hormuz.
Kini nga posibleng pagsaka sa presyo moabot pipila lamang ka adlaw human sa dakong rollback sa presyo sa petrolyo nga nakahatag og kahupayan sa mga motorista.
Samtang nagpadayon ang tensyon sa US ug Iran nga mahimong makaapekto sa suplay ug presyo sa lana sa kalibotan, adunay positibong kalamboan sa laing bahin sa Middle East diin mipirma ang Israel ug Lebanon og kasabutan aron sugdan ang pagtapos sa panagbangi batok sa Hezbollah, bisan pa man nga wala pay klaro kung kanusa kini ipatuman.
