BUTUAN CITY – Mipalag ang Gabriela Women’s Party sa pagpahibalo ni Bise Presidente Sara Duterte nga mudagan siya pagka-presidente sa 2028 national elections dayong butyag nga kinahanglan una niyang atubangon ang mga isyu sa korapsyon nga gipasangil batok kaniya.
Sumala ni Gabriela Rep. Sarah Elago, dili angayang huna-hunaon sa bise presidente ang pagbalik sa Malacañang, tungod kay kinahanglan una niyang tubagon ang mga alegasyon sa pagpangurakot.
Gipamugos sa kongresista nga dili na sila gusto nga adunay laing Duterte regime sa Malacañang ilabina karon nga nag-atubang si VP Sara Duterte og tulo ka impeachment complaints sa House of Representatives.
Apil sa mga reklamo mao ang giendorso mismo ni Elago ug sa iyang mga kauban sa Makabayan bloc nga nagduda sa paggamit sa pondo sa opisina sa Bise Presidente.
