BUTUAN CITY – Gikumpirma na sa International Criminal Court (ICC) Pre-Trial Chamber I ang tanang mga kaso nga gisang-at batok kang kanhi Pangulong Rodrigo Roa Duterte may kalabotan sa crimes against humanity of murder nga gika-ingong nahitabo ilawom sa iyang kampanya kontra ilegal nga droga.
Sigon sa ICC, igo ang mga ebidensiya nga gipresenta sa Office of the Prosecutor aron ipadayon ang pagtaral sa tulo ka ihap sa crimes against humanity, nga nagtumong sa 78 ka mga biktima sa extrajudicial killings sa Pilipinas.
Himuon ang pagtaral sa The Hague, Netherlands subay na sa ruling sa Appeals Chamber nga nagpamatud-an nga adunay hurisdiksiyon ang ICC sa mga krimen nga nahitabo adiser pa mi-atras ang Pilipinas sa Rome Statute niadtong 2019.
Nagpakita kini sa pagpalig-on sa internasyunal nga hustisya bisan sa mga lider sa nasud nga mahimong manubag sa mga krimen nga nahimo nila samtang naglingkod sa poder.
Sigon sa usa ka analista, makasaysayanon ang maong desisyon kay mao kini ang unang higayon nga usa ka kanhi pangulo sa nasud gikan sa Southeast Asia, mu-atubang sa ingon niini nga klase sa pagtaral sa ICC.
