BUTUAN CITY- Ipadayon sa Senate Blue Ribbon Committee ang imbestigasyon sa flood control scam sa pagpabalik sa sesyon sa Kongreso karung Hulyo 27, sa higayong pormal nang mamigna ang komite, sumala ni Senador Erwin Tulfo.
Sigon ni Tulfo, dili pa pwedeng mohimo og hearing ang Blue Ribbon tungod kinahanglan pa nga matudlo ang mga miyembro niini sa unang adlaw sa sesyon dungan sa State of the Nation Address kon SONA.
Sumala sa senador, lakip sa mga unang hisgutan sa komite ang isyu sa flood control projects. Bisan paman, gi-insistar niini nga kinahaglang adunay mga bag-ong personalidad nga patubagon ug dili lang ang mga pangalan nga kanhi nang gilambigit sa unang taho sa Blue Ribbon Committee.
Saigon usab ni Tulfo, nga magpatuman kini og mga bag-ong rules sa komite, lakip ang mas hugot nga beripikasyon sa mga affidavit ug pagbawal sa mga “surprise witness,” aron mahimong mas hapsay ang mga hearing.
Dungan sa pagpadayon sa imbestigasyon, gidudo usab ni Tulfo ang pagpasa og Senate Bill No. 1360 o ang Masterplan for Infrastructure and National Development (MIND) Act, kansa nagtumong sa pagmugna og longterm national infrastructure master plan aron dili na ma-impluwensiyahan sa pulitika ang pagpili ug pagpatuman sa mga proyekto.
Matud pa senador, ang pagkabulgar sa anomalya sa flood control nagsilbing higayon aron masuta ang ugat sa pagbalik-balik sa baha ug mga problemang pang-imprastruktura sa nasud.
Pagklaro pa niini, nga ubos sa proposed MIND Act, adunay usa ka nasudnong plano alang sa tanang proyektong pang-imprastruktura aron masiguro ang pagpadayon sa mga niini kinsa man nga administrasyon ang nag-ingkod ug malikayan ang redundant nga mga proyekto ug pag-usik sa pondo sa pangamhanan.
