BUTUAN CITY- Nagpadayon sa pagpakita og kusog ug endurance si Filipino actor David Licauco human niya makompleto ang Hyrox Bangkok sa oras nga 1 hour and 8 minutes.
Sumala sa Sparkle, anaa sa ika-17 kini sa iyang age group, ika-39 sa overall ranking, ug ika-upat tali sa tanang Filipino competitors. Sa iyang Instagram post, gipakita ni Licauco ang iyang determinasyon sa kompetisyon ug mipahayag nga, “Be back stronger.”
Kini ang ikatulong Hyrox competition ni Licauco human sa iyang debut sa Taipei niadtong Marso, diin nakabaton kini sa pinakapaspas nga oras sa Filipino participants sa Open Division sa Asia, ug sa Jakarta niadtong Hunyo diin nakarekord kini og personal best nga 1:07:38, kansa pinakapaspas nga oras sa Filipino participant sa tanang age groups.
Ang Hyrox usa ka global indoor fitness race nga nagkombinar sa running ug functional workout stations, diin kinahanglan modagan ang mga partisipante og usa ka kilometro ug mosunod og usa ka functional workout, nga balikon sa walo ka higayon.
