BUTUAN CITY- Nakaluwas si Bangsamoro Autonomous Region in Muslim Mindanao (BARMM) Chief Minister Abdulraof Macacua human gi-ambush ang iyang convoy sa Barangay Bitu, Datu Odin Sinsuat, Maguindanao del Norte kaganiha sa may alas-4:45 sa hapon.
Sumala sa unang taho sa mga awtoridad, gipa-ulanan og bala sa wala pa ma-ilhing mga armadong suspek ang convoy sa Chief Minister samtang ming-agi sa maong lugar.
Taliwa sa pag-atake, gikompermang anaa sa maayo ug luwas nga kahimtang si Macacua.
Padayon usab karun nga gi-imbestiga sa mga pulisya aron masuta ang identidad sa mga armado nga anaa likod sa pagpang-ambos, ingon man ang tinuod nga motibo sa gihimong pag-atake.
Sa pagkakaron, gipalibotan sa mga awtoridad ang lugar samtang minghimo og hot pursuit operations.
Gipahayag sa mga pulis nga dili pa nila ma-classify o ma-konketa gilayon sa kasamtangan kung adunay kalabotan ang insidente sa politika o sa mga hisgutanang adunay kalabotan sa rehiyon.
