BUTUAN CITY – Nakuha ni Filipina beauty queen Anne de Mesa ang Miss Tourism Worldwide 2026 crown sa pageant nga gihimo sa Singapore.
Sa preliminary events, nakuha usab ni de Mesa ang awards nga Best in National Costume, Best in Evening Gown, ug Miss Celebrity nga gipili pinaagi sa online voting.
Sigon sa certified public accountant, paspas ug istrikto ang kompetisyon labina sa oras, ug lahi kini kumpara sa kasagarang beauty pageants kansang tumong mao ang pagpalambo sa kultura ug turismo sa tibuok kalibotan.
Samtang napiling 1st runner-up si Kuma Ruth Ndain sa Cameroon samtang si Gelli Meigas sa Estonia ang 2nd runner-up; si Milana Roothooft sa Belgium ang 3rd runner-up ug si Pakjira Kusolthipjaroen sa Thailand ang 4th runner-up
Nasayrang adunay 25 ka mga kandidata ug kadaghanan kanila dili kahibalo mo-English, mao nga hinay-hinay silang nakakat-on sa pinulongan sa usag usa pinaagi sa yano nga mga pulong aron magkasinabot.
Si de Mesa mao ang ikalimang winner sa Miss Tourism Worldwide ug ikaduhang Filipina nga nakadaog sa titulo sunod kang Zara Carbonell niadtong 2018.
Mitambong usab sa iyang homecoming sila Jasmin Omay ug Katrina Llegado nga iyang mga kauban sa Crown Initiative beauty camp.
