BUTUAN CITY- Gi-anunsyo sa state weather bureau nga ang trough sa Tropical Storm Mekkhala naka-apekto na sa sidlakang bahin sa Visayas ug Mindanao.Subay sa report sa ahensya, ang sentro sa bagyo anaa sa 1,480 kilometros sa sidlakan sa Southeastern Luzon ug kasamtangang anaa sa gawas sa Philippine Area of Responsibility (PAR).
Kung mosulod sa PAR, hatagan kini og local name nga “Francisco” nga mahimong ilka-unom nga bagyo sa tuig 2026.
Ang bagyo adunay kusog nga hangin nga moabot og 85 kilometros matag oras duol sa sentro ug pagkuso-kuso nga moabot og 105 kilometros matag oras.
Minglihok kini pa-kasadpan sa gikosgon nga 15 kilometro matag oras, ug padayon nga gibantayan ang posibleng pagduol sa bansa sa sunod nga mga adlaw.
Gipahimangnuan usab ang mga residente sa sidlakang bahin sa Visayas ug Mindanao nga mahimong alerto sa posibleng kusog nga uwan ug pagbaha tungod sa trough sa bagyo.
