BUTUAN CITY- Gipanghimakak sa kanhi mga sundalo ang alegasyon nga gisuholan sila ni kanhi Congressman Mike Defensor aron motestigo sa imbestigasyon sa maanomaliyang flood control projects.
Sa hearing sa Senate Blue Ribbon subcommittee kagahapon Huwebes, gi-insistar ni Johnny Buduan, usa sa 18 ex-marines nga ming-atubang isip esource person, nga wala sila mingdawat og kwarta gikan kang kanhi dating Cong. Defensor dihang gipangutana ni Senador Rodante Marcoleta kung nakadawat ang mga niini og “pabuya” nga tig-P5 million aron maghatag sa ilang mga statement sa nagpadayon nga imbestigasyon sa flood control scandal.
Gihagit usab ni Buduan ang nagpasangil sa ilaha nga mo-atobang sa hearong sa subcommittee aron pamatud-an ang akusasyon batok sa ilaha.
Gipadayag usab niini nga nindtot unta matud pa ang ilang kinabuhi kung nakadawat sila sa maong dako nga kantidad nga kawarta.
Gipanalipdan usab ni Atty. Levito Baligod ang mga kanhing sundalo gikan sa mga alegasyon nga nakadawat sila og suhol.
