BUTUAN CITY – Nagpatuman ang Estados Unidos og bag-ong taripa sa mga produkto gikan sa mga 60 nila ka mga trading partners nga naglangkob sa kadaghanan sa ilang import, tungod sa alegasyon nga wala nila gitarong ang pagpahunong sa forced labour.
Ang mga buhis nga nag-range gikan sa 10% hangtod 12.5% target sa mga importante nga ka-uban sa ekonomiya sama sa United Kingdom, China, European Union kon EU, Canada, Japan ug India.
Sugdan kini ugmang adlawa, oras sa Pilipinas, human matapos ang temporaryo nga 10% nga buhis sa langyaw nga produkto nga gisugdan nga mas sayo ning tuiga.
Kini nga lihok mao ang pinakabag-ong eskalasyon sa global trade war nga gipabalik ni US President Donald Trump pagbalik niya sa puwesto ning mi-aging tuig.
Madumdumang sa sayong bahin ning tuiga, ang US Supreme Court nakahukom nga daghang taripan ang ipatuman sa kalibutan ubos sa emergency powers kansa gikonsiderang ilegal busa nangita ang presidente og lain nga legal nga paagi aron mapadayon ang iyang trade policy.
Ning miaging bulan, unang gisugyot sa White House ang sunod-sunod nga 10 hangtud sa 12.5% nga buhis sa mga produkto nga mosulod sa US gikan sa daghang nasud tungod sa kabalaka nga sila, wala saktong nakigbatok sa forced labour.
