BUTUAN CITY – Sulod na sa quarterfinals ang England human midaog batuk sa Mexico sa Round of 16 sa nagpadayong FIFA World Cup 2026, score 3-2 nga gipahigayon sa Estadio Azteca, Mexico City.
Si Jude Bellingham, nakapuntos og duha ka goals sa first half atol sa ika-36 ug ika-38 minutos alang sa England nga nabaslan ni Julian Quiñones kinsa nakapuntos alang sa Mexico sa ika-42 minutos apan pag-abot sa ika-59 minutos sa dula, nakapuntos sa penalty si Harry Kane kansa mao ang iyang ika-6 nga goal sa torneo.
Nakapuntos pa si Raul Jimenez sa penalty sa ika-68 minutos alang sa Mexico samtang na-red card si Jarell Quansah sa England ug gi-dismiss sa ika-53 ninutos kondiin nagpabilin ang team nga duna’y 10 ka mga players.
Tungod sa kada-ugan sa England, ilang maka-agbat sa quarterfinals ang Norway karong Hulyo 11 nga himuon sa Miami, Florida.
