BUTUAN CITY- Ubay-ubay ka mga pasahero ang nanginahanglan og medical nga tabang human minghimo og emergency landing sa Iloilo International Airport ang usa ka eroplano sa Philippine Airlines flight PR 2544 (RP-C8619) gikan sa Dumaguete padulong sa Maynila.
Lakip sa mga sakay niini si Rhuel Beaujing Acot, nga nahinabi sa Bombo Radyo Iloilo, kauban ni coach Acot sila Samahang Basketbol ng Pilipinas kon SBP Talent Identification Program Head Coach Norman Black ug Larry Fonacier nga mingadto sa Dumaguete alang sa Grassroots Basketball Program sa Pilipinas.
Sumala ni Coach Acot, nga adiser paman nag take off ang eroplano guba na ang air conditioning system apan wala pay nireklamo sa maong higayon. Apan samtang anaa na kini sa kahanginan, didto na matud pa nagsugod pagpanghilak ang mga bata, gipaningot ang mga pasahero ug nakasinati og grabe nga kahasol. Sa wala magdugay gikomperma sa piloto nga adunay problema ang air conditioning system adiser paman sila minghawa sa runway.
Sumala sa piloto, nga aduna lamang kini usa ka minuto aron magdesisyon kung mo balik o panaugon ang mga pasahero ingon man ang pagpadayon sa paglupad ug ipataas ang eroplano aron mapaubos ang temperatura. Nagayo usab kini despensa ug mingbutyag nga bisan unsa man ang mahitabo mohimo kini og emergency landing sa Iloilo o sa Mactan Cebu.
Sigon ni Coach Acot, nga grabe ang iyang kahadlok hilabi na nga kini ang unang kasinatian niini nga gi-ubos ang oxygen mask sa eroplano aron nga ipasuot sa mga pasahero. Kung nagdugay pa matud pa, posibleng sila nasofocate. Gawas niini, bisan gabie na nagpabilin gihapon ang pipila ka mga pasahero sa Iloilo Airport ug nangreklamo nga kulang matud pa sa plano kung unsa ang sunod nga lakang.
