Duha ka commander sa New People’s Army (NPA) ug myembro, nasikop sa pwersa sa kasundalohan ug kapulisan sa Caraga

BUTUAN CITY-Nasikop ang duha ka commander sa New People’s Army (NPA) ug myembro sa gihimong operasyon sa kapulisan ug kasundalohan sa Rehiyon sa Caraga.

Unang nasikop sa Sandatahang Yunit ng Pamproganda 16B sa Guerilla Front 16 sa Northeastern Mindanao Regional Committee  nga nagpaluyo sa kagubot  sa probinsya sa Surigao del Norte.  Naila ang dinakpan nga si Jellan Ybanez , nga nagpaila sa alyas nga “ Wing”, “Sango” ug “ Regine”, 28 anyos ug residente sa P-1 Brgy. Amolingan, Esperanza, Agusan del Sur nga nadakop sa P-7 Brgy. Bitcor, Bayugan City Agusan del Sur oras sa alas 10:52 sa gabie, Nobyembre 15.

Aduna na’y warrant of arrest sa mga kasong multiple attempted murder ang suspek nga pinetsahan niadtong Enero 30, 2019 lakip na ang attempted murder nga dunay pyansang P20,000 sa matag kaso, warrant of arrest sa kasong attempted homicide niadtong Marso 15, 2021 nga gipagawas sa Municipal Regional Judicial Region sa Jabonga-Kitcharao sa Agusan del Norte nga dunay girekomendang pyansang moabot sa P36,000 ka pesos.

Gilusad ang malampusongng operasyon sa ginsakupan sa Regional Intelligence Division Region 13 lakip na sa Bayugan Police Station, Police Provincial Office inubanan sa 4^th Infantry Division Philippine Army.

Nakumpiska sa dinakpan ang usa ka granada,usa ka caliber .45 , usa ka magazine ug 7 ka mga buhing bala. Samtang sikop usab ang suspek sa kidnapping ug wala’y kaluoy nga mipatay kang Police Staff Seargeant Restie Rojas Dandan ang Intelligence Security sa Municipal Police Station niadtong Agosto 28, 2020 sa Brgy. Matinao, Mainit, Surigao del Norte.

Nalambigit usab ang suspetsado sa pagguba sa usa ka fish pond sa Purok 1, Brgy. Pili, Malimono, Surigao del Norte nga miresulta sa pagka- damyos ngadto sa P1.5 million niadtong Hunyo 19, 2021, gidugangan pa sa pag-kidnap niini sa duha ka pulis nga naka- on duty sa police box sa Surigao del Norte. Samtang kagahapong adlawa, lain pang myembro gikan sa kanhing grupong Guerilla 8^th sa Northeastern Mindanao Regional Committee ang giaresto sa mga otoridad nga dunay No.7024  warrant of arrest nga gi-isyu sa 12^th Judicial Region Branch 7 sa Bayugan City niadtong Setyembre 2,2021 sa kasong attempted murder nga nadakpan sa Bayugan City Agusan del Sur  sa suspek nga si Daryl Agivido, 24 anyos, taga-P-11, Brgy. Mount Carmel  sa Bayugan City  human sa gihimong manhunt operation sa Bayugan City Police Station nga dunay pyansang mokabat sa P130,000 alang sa temporaryong kagawasan.