BUTUAN CITY- Gipagawas na sa Department of Trade and Industry kon DTI ang pinakabag-ong School Supplies Price Guide alang sa School Year 2026-2027, samtang nag-andam ang mga pamilya sa pagbukas sa klase ug aron matabangan ang mga konsumidor sa hustong pagpili ug pagkumpara sa presyo.
Base sa advisory, ang mga notebook nagrange sa P13 hangtod P52, pad papers gikan P13 hangtod P69.75, samtang ang mga lapis nagkantidad og P12 hangtod P24 ug ang ballpen gikan P3 hangtod P27. Ang crayons nagrange usab sa P12 hangtod P114, erasers P8 hangtod P20, sharpeners P16 hangtod P69, ug rulers P8 hangtod P32.
Gipahimangnoan usab sa DTI ang publiko nga siguruhon nga klaro ug kompleto ang labels ug specifications sa ilang paliton aron masiguro ang kalidad sa gamit pang-eskwela.
