BUTUAN CITY – Giangkon sa Department of Social Welfare and Development kon DSWD, nga nagliso ang ilahang ahensya sa pagtunol sa mga hinabang ngadto sa mga Pilipino nga apektado sa kalamidad.
Kini ang gikabutyag ni Department of Social Welfare and Development Assistant Secretary for Disaster Response and Management Group Irene Dumalao, mahitungod sa hisgutanang paghatud sa mga hinabang ngadto sa mga Pilipino nga apektado sa kalamidad.
Apan dugang niini nga bisan kon dunay mga pagsulay sa ilahang buhatan sa pagpadangat sa mga hinabang ngadto sa mga Pilpino, oportunidad matud pa gihapon kini, ilabi na kung alang kini sa mga island municipalities o sa mga Geographically Isolated and Disadvantaged Areas.
Sumala niini nga lisod matud pa alang sa ilahang ahensya ang mapadangat sa maong mga lugar ang mga hinabang tungod sa kalisod sa ilahang dalan ingon o kaha sa hisgutnang transportasyon.
Gawas niini, padayon gihapon ang pagtunol sa maong ahensya og hinabang sa mga apektado sa natural nga kalamidad.
