BUTUAN CITY – Gikumperma sa Bureau of Immigration nga nakabalik na sa Pilipinas si retired police colonel Royina Garma, ang kanhi general manager sa Philippine Charity Sweepstakes Office (PCSO) nga giimbistigahan sa pagkalambigit sa drug war ni kanhi Pangulong Rodrigo Duterte ug utok matud pa sa pagpapatay kang kanhi PCSO board secretary Wesley Barayuga niadtung 2020.
Ning-abot si Garma sa may Ninoy Aquino International Airport (NAIA) gikan sa Los Angeles, California karong gabie lamang sa Sabado, Setyembre 6. Gipaambit sa Immigration ang mga litrato sa nasnagpit nga indibidwal.
Kahinumdumang ninggawas si Garma sa Pilipinas kaniadtu atul sa imbestigasyon sa war on drugs sa kanhi administrasyon diin lakip ang pangalan ni Garma sa mga nalambigit.
Unang gibutyag niini sa House Quad Committee inquiry, nga gisugo matud pa siya sa kanhi Pangulo nga mangita og opisyal arun himoon sa tibook Pilipinas ang Davao model para sa war on drugs.
Ilawom sa maong model, duna matud pay reward money matag mapatay sa drug suspect.
Kahinumdumang nababagan usab si Garma sa mga awtoridad sa California, USA niadtung Nobiyembre 7, 2024 tungos sa kanselado niining visa. Lima ka buwan human kini nadakpan, gibulgar sa abugado niining ning-apply kini og asylum sa Amerika.
Sa kasamtangan, nag-atubang kini og kasong murder ug frustrated murder kalabot sa kamatayon ni Barayuga.
